Title: Jungmann Machen ; Caption: Es ist ein muster kommen her / Auss frembden lande die sind fer / Von Cholchos unnd Thessalia / Da findt man medicamina / Die hond vil wunderbarlich kraffi / Die alten leüt mit meysterschafff / Zübringen auff die jungen tag / Es ist also wie ich euch sag / Medea hats bewärt gar schon / An ihrem schweher Esacon / Den sie erjüngert mit ir Kunst / Unnd Jason ihres mannes gunst / Also thüt unser meister auch / Es ist keyner weder ferr noch nach / Der sollichs ye gesehen hat // Darumb ir weyber ist meyn rath / Welche hab ein alten mann / Ders feld nit me wol bauwen kan / Dem treüfft die nas/die äugen rinnen / Und der auch nit ist wol bey sinnen / Und der auff dreyen Hessen geet / Und dem der schertz nit wol ansteet / Der selb kom her auff disen plan / Da wirt sie sehen wunder an / Wie diser meyster schmeltzen kan / Ain jungen auss eim alten mann / Kompt her es kostet doch nie vil / Die ihren mann jung haben will / Der kost wirt sie gar nit gereüwen / Wann sye den man sicht also neüwen // Schön und frisch mit kradem leyb / Mit dem sie dann ir kurtzweil treybt / Nun körnend her und saumpt euch nitt / Der meyster hat eyn solchen sitt / Wer zlang verzeücht d’wirt verkürtzt / Wa aber einer wirt umbgestürtzt / Inn ofen geworffen bey der zeyt / Der selb gross lust und freüden geyt / Seym weyb/wan er sich also jüngt / Und herfür auss dem ofen springt / Ihr weyber ich sag euch nit mer / Ain yede bring den alten her / Sunst würt es euch nit mer so güt / Also spricht Hans Wolgemüt.